Zafar - Dil Ki Meri Beqaraari Mujh Se Kuchh Poochho Nahin




Dil Ki Meri Beqaraari Mujh Se Kuchh Poochho Nahin
Shab Ki Meri Aah-O-Zaari Mujh Se Kuchh Poochho Nahin

Baar-E-Gham Se Mujh Pe Roz-E-Hijr Men Ik Ik Ghadi
Kya Kahoon Hai Kaisi Bhaari Mujh Se Kuchh Poochho Nahin

Meri Soorat Hi Se Bas Maaloom Kar Lo Ham-Damon
Tum Haqeeqat Meri Saari Mujh Se Kuchh Poochho Nahin

Shaam Se Taa-Subah Jo Bistar Pe Tum Bin Raat Ko
Main Ne Ki Akhtar-Shumaari Mujh Se Kuchh Poochho Nahin

Ai "Zafar" Jo Haal Hai Meraa Karoon Gaa Gar Bayaan
Hogi Un Ki Sharm-Saari Mujh Se Kuchh Poochho Nahin

-----------------------

Post a Comment

0 Comments

–>