Zafar - Ham To Chalte Hain Lo Khudaa Haafiz

 Ham To Chalte Hain Lo Khudaa Haafiz


Ham To Chalte Hain Lo Khudaa Haafiz
But-Kadaa Ke Buton Khudaa Haafiz

Kar Chuke Tum Naseehaten Ham Ko
Jaao Bas Naaseho Khudaa Haafiz

Aaj Kuchh Aur Tarah Par Un Ki
Sunte Hain Guftugoo Khudaa Haafiz

Bar Yahi Hai Hameshaa Zakhm Pe Zakhm
Dil Ke Chaara-Garon Khudaa Haafiz

Aaj Hai Kuchh Ziyaadaa Betaabi
Dil-E-Betaab Ka Khudaa Haafiz

Kyon Hifaazat Ham Aur Ki Dhoondhen
Har Nafas Jab Ki Hai Khudaa Haafiz

Chaahe Rukhsat Ho Raah-E-Ishq Men Aql
Ai "Zafar" Jaane Do Khudaa Haafiz

----------------------------

Post a Comment

0 Comments

–>