Zafar - Khultaa Nahin Hai Haal Kisi Par Kahe Baghair

Khultaa Nahin Hai Haal Kisi Par Kahe Baghair
Par Dil Ki Jaan Lete Hain Dilbar Kahe Baghair

Main Kyoonkar Kahoon Tum Aao Ki Dil Ki Kashish Se Vo
Aayenge Daude Aap Mere Ghar Kahe Baghair

Kyaa Taab Kyaa Majaal Hamaari Ki Bosaa Len
Lab Ko Tumhaare Lab Se Milaakar Kahe Baghair

Be-Dard Too Sune Naa Sune Lek Dard-E-Dil
Rahtaa Nahin Hai Aashiq-E-Muztar Kahe Baghair

Taqdeer Ke Sivaa Nahin Miltaa Kahin Se Bhi
Dilavaataa Ai "Zafar" Hai Muqaddar Kahe Bagair

----------------------