Ja Kahiyo Un Se Naseem-E-Sahar Meraa Chain Gayaa Meri Neend Gai
Tumhen Meri Na Mujh Ko Tumhaari Khabar Meraa Chain Gayaa Meri Neend Gai
Na Haram Men Tumhaare Yaar Pataa Na Suraagh Dair Men Hai Miltaa
Kahaan Jaa Ke Dekhoon Main Jaaoon Kidhar Meraa Chain Gayaa Meri Neend Gai
Ai Baadshaah-E-Khubaan-E-Jahaan Teri Mohini Surat Pe Qurbaan
Ki Main Ne Jo Teri Jabeen Pe Nazar Meraa Chain Gayaa Meri Neend Gai
Hui Baad-E-Bahaari Chaman Men Ayaan Gul Buti Men Baaqi Rahi Na Fizaa
Meri Shaakh-E-Ummid Na Laai Sanvar Meraa Chain Gayaa Meri Neend Gai
Ai Barq-E-Tajalli Bahar-E-Khudaa Na Jalaa Mujhe Hijr Men Shammaa Saa
Meri Zeest Hai Misl-E-Chiraagh-E-Sahar Meraa Chain Gayaa Meri Neend Gai
Kahtaa Hai Yahi Ro Ro Ke "Zafar" Meri Aah-E-Rasaa Kaa Huaa Na Asar
Teri Hijr Men Maut Na Aai Abhi Meraa Chain Gayaa Meri Neend Gai
Yahi Kahnaa Thaa Shero Ke Aaj "Zafar" Meri Aah-E-Rasaa Men Huaa Na Asar
Tere Hijr Men Maut Na Aai Magar Meraa Chain Gayaa Meri Neend Gai
----------------------
0 Comments