Kya Koi Zamaane Mein Sitamgar Nahin Hota
Hota Hai Magar Tere Baraabar Nahin Hota
Rahzan Hi Se Ham Poochte Hain Raaz-E-Muhabbat
Jab Ham Ko Mayyassar Koi Rehbar Nahin Hota
Ham Jaante Hain Aaye Hain Maatam Ko Farishtey
Jis Bazm Mein Shaghl-E-Mai-O-Saaghar Nahin Hota
Aadat Hai Ajab Cheez, Buri Ho Ki Bhali Ho
Marta Hun, Jo Bechain Ghadi Bhar Nahin Hota
Be-Daad Teri Dekh Ke Yeh Haal Hua Hai
Aashiq Koi Duniya Mein Kisi Par Nahin Hota
-------------------------------
No comments:
Post a Comment