Shokhi Mein Unki Chhed Hai Kuch Izteraab Ki
Ghar Kar Gayi Wafa Kisi Khana-Kharaab Ki
Us Roo-E-Benaqaab Ka Jalwa Hua Naqaab
Nikli Hai Rang Rang Se Soorat Hijaab Ki
Jumbish Mein Yun Hain Woh Lab-E-Naazuk Nafas Ke Saath
Jaise Hile Naseem Se Patti Gulaab Ki
Ghusse Se Aur Rang Tera Shokh Ho Gaya
Achhi Bani Bigaad Mein Soorat Janaab Ki
Dar-Parda Josh-E-Husn Ne Be-Parda Kar Diya
Tooti Girah Tadaak Se Band-E-Naqaab Ki
---------------------
0 Comments