Gulzar- Nazm- Main Apne Ghar Mein Hi Ajnabi Ho Gaya Hoon Aa Kar

Main Apne Ghar Mein Hi Ajnabi Ho Gaya Hoon Aa Kar

Mujhe Yahaan Dekh Kar Meri Rooh Dar Gai Hai

Saham Ke Sab Aarzuen Konon Men Jaa Chhupi Hain

Laven Bujhaa Di Hain Apne Chehron Ki, Hasraton Ne

Ki Shauq Pahchaanta Hi Nahin

Muraaden Dahleez Hi Pe Sar Rakh Ke Mar Gai Hain

Main Kis Vatan Ki Talaash Men Yoon Chalaa Thaa Ghar Se

Ki Apne Ghar Men Bhi Ajnabi Ho Gayaa Hoon Aa Kar

---------------------