Iftikhar Arif
Zara Si Der Ko Aaye The Khwaab Aankhon Mein
Phir Us Ke Bad Musalsal Azaab Aankhon Mein
Wo Jis Ke Naam Ki Nisbat Se Raushan Tha Wujood
Khatak Raha Hai Wahi Aaftab Aankhon Mein
Jinhen Mata-E-Dil-O-Jan Samajh Rahe The Ham
Wo Aaine Bhi Hue Be-Hijaab Aankhon Mein
Ajab Tarah Ka Hai Mausam Ke Khaak Urti Hai
Wo Din Bhi The Ke Khile The Gulab Aankhon Mein
Meri Ghazal Teri Wahshaton Ki Khair Ki Hai
Bahut Dinon Se Bahut Iztarab Aankhon Mein
Na Jaane Kaisi Qayamat Ka Pesh-Khema Hai
Ye Uljhanen Teri Be-Intasab Aankhon Mein
----------------------
