Sahir Ludhianvi
Ab Aayein Ya Na Aayein Idhar Poochhte Chalo
Kya Chaahti Hai Un Ki Nazar Poochhte Chalo
Ham Se Agar Hai Tark-E-Ta’alluq To Kya Hua
Yaaro! Koi To Un Ki Khabar Poochhte Chalo
Jo Khud Ko Kah Rahe Hain Ki Manzil-Shanaas Hain
Un Ko Bhi Kya Khabar Hai Magar Poochhte Chalo
Kis Manzil-E-Muraad Ki Jaanib Ravaan Hain Ham
Ai Rah-Ravaan-E-Khaak-Ba-Sar Poochhte Chalo
----------------------
0 Comments