Jaun Elia - Na To Dil Ka Na Jaan Ka Daftar Hai

Na To Dil Ka Na Jaan Ka Daftar Hai
Zindagi Ek Ziyaan Ka Daftar Hai

Padh Raha Hoon Main Kaaghazaat-E-Wujood
Aur Nahin Aur Haan Ka Dafter Hai

Koi Soche To Soz-E-Karb-E-Jaann
Saara Daftar Gumaan Ka Daftar Hai

Ham Mein Se Koi To Kare Israar
Ke Zamin Aasmaan Ka Daftar Hai

Hijr Ta'atil-E-Jism-O-Jaan Hai Miyaan
Vasl Jism-O-Jaan Ka Daftar Hai

Woh Jo Daftar Hai Aasmaani Tar,
Woh Miyaanji Yahaan Ka Daftar Hai

Hai Jo Bood-O-Nabood Ka Daftar
Aakhirash Yeh Kahan Ka Dafter Hai

Jo Haqeeqat Hai Dam-Ba-Dam Ki Yaad
Woh To Ek Daastaan Ka Daftar Hai

Ho Raha Hai Guzisht-Gaan Ka Hisaab ,
Aur Aaind-Gaan Ka Daftar Hai

----------------------------