Jaun Elia- Tishna-Kaami Ki Sazaa Do To Maza Aa Jaaye

Tishna-Kaami Ki Sazaa Do To Maza Aa Jaaye

Tishna-Kaami Ki Sazaa Do To Maza Aa Jaaye
Tum Hamein Zehar Pilaa Do To Maza Aa Jaaye

Meer-E-Mehfil Bane Baithe Hain Bade Naaz Se Hum
Hamein Mehfil Se Uthaa Do To Maza Aa Jaaye

Tum Ne Ehsaan Kiya Tha Jo Hamen Chaaha Tha
Ab Woh Ehsaan Jataa Do To Mazaa Aa Jaaye

Apne Yousuf Ko Zulekha Ki Tarah Tum Bhi Kabhi
Kuch Haseenon Se Milaa Do To Maza Aa Jaaye

Chain Parta Hi Nahin Hai Tumhen Ab Mere Baghair
Ab Jo Tum Mujh Ko Ganwaa Do To Maza Aa Jaaye

----------------------------

Post a Comment

0 Comments

–>