Woh Aa Ke Khwaab Mein Taskeen-E-Iztiraab To De
Wale Mujhe Tapish-E-Dil, Majaal-E-Khwaab To De
Kare Hai Qatl Lagaawat Mein Tera Ro Dena
Teri Tarah Koi Tegh-E-Nigah Ko Aab To De
Dikhaa Ke Jumbish-E-Lab Hi Tamaam Kar Ham Ko
Na De Jo Bosa, To Munh Se Kahin Jawaab To De
Pila De Oak Se Saaqi Jo Ham Se Nafrat Hai
Pyala Gar Nahin Deta Na De, Sharaab To De
'Asad' Khushi Se Mere Haath Paanv Phool Gaye
Kaha Jo Usne Zara Mere Paanv Daab To De
------------------------
No comments:
Post a Comment